Հոկտեմբերի 23 2024
Հոկտեմբերի 19-20-ը Հայաստանի կինոյի հիմնադրամի նախաձեռնությամբ ՀՀ ՊՆ աջակցությամբ ազգային կինոյի քարոզչության շրջանակում Սյունիքի մարզի մի քանի զորամասերում տեղի ունեցավ Աննա Մաքսիմ Հարությունյանի «Մեդալի հակառակ կողմը» ֆիլմի հատուկ ցուցադրությունը։
Ցուցադրությունից առաջ Հայաստանի կինոյի հիմնադրամի աշխատակիցները համառոտ ներկայացրին հայ կինոյի զարգացման պատմությունն ու հիմնադիրներին։ Նաև խոսեցին «Մեդալի հակառակ կողմը» ֆիլմի ստեղծման բարդ ընթացքի, դժվարությունների, սիրված մարզիկի կերպարի ստեղծման դժվարությունների մասին, թե ինչպես է Աննա Հարությունյանը քայլ առ քայլ հաղթահարել մարզումների դժվարությունները և հատկապես Գյումրիի բարբառի յուրացումը։
Ֆիլմը մեծ ոգևորությամբ և ջերմությամբ ընդունեցին և՛ զինվորները, և՛ սպայակազմը, քանի որ այն մեր սպորտային պարծանքներից մեկի՝ Նազիկ Ավդալյանի կյանքի և մարզական հաղթարշավի պատմությունն է։ Ցուցադրություններից հետո զորամասերի ղեկավարները նշում էին, որ նման ֆիլմերի ցուցադրությունները պետք է շարունակական լինեն, քանի որ հրաշալի օրինակ են մեծ կամքի և հաղթական ոգու մասին։
Ֆիլմի մասին ավելին՝ Մեդալի հակառակ կողմը
