ՀԱՅԿԱԿԱՆ ԿԻՆՈԺԱՌԱՆԳՈՒԹՅՈՒՆ՝ ՉԲԱՑԱՀԱՅՏՎԱԾ ԳԱՆՁԱՐԱՆ
2023թ. լրանում է հայ կինոյի 100-ամյա հոբելյանը: Բազում փորձություններ հաղթահարելով՝ այս նորաստեղծ ոլորտը հասել է անասելի բարձունքների՝ ստեղծելով ֆիլմեր, որոնք խորապես նպաստել են թե՛ տարածաշրջանային, և թե՛ համաշխարհային կինոոլորտի զարգացմանը: Բացի համընդհանուր ճանաչված անուններից, ինչպիսիք են՝ Համո Բեկնազարյանը, Լև Ատամանովը, Սերգեյ Փարաջանովը և Արտավազդ Փելեշյանը, հայկական կինոժառանգության գանձարանում կան շատ ֆիլմեր, որոնք դեռևս հայտնի չեն հանրությանը և դեռ նոր պիտի բացահայտվեն հանդիսատեսների կողմից:
2020թ. Հայաստանի ազգային կինոկենտրոնը (այժմ՝ Հայաստանի կինոյի հիմնադրամ) հիմնեց Կինոժառանգության բաժինը, որն ակտիվորեն ներգրավվեց երկրի կինոարվեստի վերականգնման, պահպանման և տարածման գործում։ Այդ ուղղությամբ Հայաստանի ազգային կինոկենտրոնը (այժմ՝ Հայաստանի կինոյի հիմնադրամ) մեծ քայլ կատարեց՝ 2022 թվականին անդամակցելով FIAF (Կինոարխիվների միջազգային ֆեդերացիա) կազմակերպությանը, որպես ասոցիացված անդամ:
