Հայաստանի ազգային կինոկենտրոնի միջազգային կապերի բաժինը իրականացնում և համակարգում է կինոոլորտին առնչվող մի շարք աշխատանքներ, որոնց թվում են՝ համապատասխան կինոկառույցների և կինոկազմակերպությունների հետ գործնական կապերի ստեղծում և աշխատանքների կազմակերպում, Եվրոպական համատեղ արտադրության աջակցություն ցուցաբերող ամենախոշոր հիմնադրամի` Եվրիմաժի (Eurimages) հայաստանյան ներկայացուցչության ապահովում, կինոշուկաների և կինոփառատոների վերլուծություն, հայ կինոժառանգությանը նպաստող աշխատանքների աջակցություն, տեղական շուկայի ուսումնասիրություն, կազմակերպչական և ինֆորմացիոն տեղեկատվության ապահովում։ Միջազգային կապերի բաժնում կարող եք ծանոթանալ Եվրոպական տեսաձայնային օբսերվատորիայի մասին տեղեկատվությանը։
Միջազգային կապերի բաժնի կողմից իրականացվելիք աշխատանքները նաև միտված են հայ կինոգործիչներին օգնել գտնելու արտասահմանյան երկրներում և Հայաստանում իրականացվող միջազգային կինոփառատոների, կինոշուկաների, հիմնադրամների և այլ հարթակների մասին տեղեկատվություն։
