Նոյեմբերի 07 2022
Ուրախությամբ հայտնում ենք, որ ռեժիսոր Նաիրա Մուրադյանի «Թևավորը» կարճամետրաժ անիմացիոն ֆիլմը Թբիլիսիի միջազգային անիմացիոն փառատոնում (Tbilisi International Animation Festival–TIAF) արժանացել է ժյուրիի հատուկ մրցանակի՝ հանդիսատեսին դեպի հրաշքների քաղաք անսպասելի ճանապարհորդության համար:
Հայաստանի ազգային կինոկենտրոնը շնորհավորում է ֆիլմի ստեղծագործական կազմին մաղթելով հաջողություններ։ Հիշեցնենք․ «Թևավորը» կարճամետրաժ անիմացիոն ֆիլմը ստացել է պետական ֆինանսական աջակցություն։
Ֆիլմի մասին․
Մի անշուք փոքրիկ քաղաքում, հրաշք է տեղի ունենում՝ հայտնվում է հսկա մի շուն։ Շունը քայլելով չի գալիս, այլ իջնում է երկնքից իր թափանցիկ թևերի շնորհիվ։ Քաղաքի բնակիչները նրան անուն են տալիս՝ Գոդո։ Գոդոն փոխում է քաղաքի կյանքը։
Պրոդյուսեր/ռեժիսոր՝ Նաիրա Մուրադյան, սցենարիստներ՝ Նաիրա Մուրադյան, Մարիամ Պետրոսյան։
