Մայիսի 25 2021
Սույն թվականի մարտի 18-ին Կառավարությունը թիվ 353-Ն որոշմամբ կատարել է վերաբաշխում, լրացում և փոփոխություն «Հայաստանի Հանրապետության 2021թ.-ի պետական բյուջեի մասին» ՀՀ օրենքում:
Արդյունքում, նկատի ունենալով նաև դեռևս 2020 թվականի դեկտեմբեր ամսին ընդունված որոշումը` պետական բյուջեում փոփոխություններ կատարելու մասին՝ ընդհանուր վերցրած, Հայաստանի ազգային կինոկենտրոնին պետական բյուջեից 2021թ.-ին հատկացվող գումարներն էապես կրճատվել են: Մասնավորապես, խաղարկային կինոնկարների պահպանման և վերականգնման համար նախատեսված հատկացումները կրճատվել են ամբողջությամբ, իսկ խաղարկային և անիմացիոն կինոնկարների արտադրության համար հատկացվող գումարները տարեսկզբին կրճատվել են շուրջ 20 տոկոսով, այնուհետև՝ նաև 50: Կրճատումների վերաբերյալ բյուջետային հատկացումների ցուցանիշների փոփոխությունը ներկայացնում ենք կից տեղեկանքով:
