Հայտարարություն դրամաշնորհի մրցույթ անցկացնելու մասին

Մարտի 01 2024

«Հայաստանի ազգային կինոկենտրոն» ՊՈԱԿ-ը, համագործակցելով Ֆրանսիայի Կինեմատոգրաֆիայի և անիմացիոն պատկերի ազգային կենտրոնի (CNC- Centre National du Cinéma et de l’Image Animée) և Արվեստի միջազգային կենտրոնի հետ (Cité internationale des arts), հայտարարում է դրամաշնորհի մրցույթ՝ սցենարական դասընթաց Հայաստանում բնակվող սկսնակ և միջին փորձառությամբ կինոգործիչների համար, ովքեր ներկայումս մշակում են լիամետրաժ գեղարվեստական կամ լիամետրաժ անիմացիոն նախագծեր:

Դասընթացի ժամանակահատված.

2024թ. հուլիսի 3-ից մինչև սեպտեմբերի 27-ը։

Դրամաշնորհը հոգում է թռիչքի, վիզայի, ապահովագրության, կեցության և ուսման հետ կապված ծախսերը:

Դասընթացի աշխատանքային լեզուներն են՝ ֆրանսերենը կամ անգլերենը: Ֆրանսերենի կամ անգլերենի վարժ իմացությունը պարտադիր է (գրավոր և բանավոր):

Հայտերը պետք է ներառեն հետևյալ փաստաթղթերը.

1. Կինոգործչի CV, ֆիլմագրություն և հղումներ նախորդ աշխատանքներից
2. Ուղեկցող նամակ` մանրամասն նկարագրությամբ դասընթացի անհրաժեշտության մասին
3. Կարճ սինոփսիս
4. Treatment (ընդարձակ սինոփսիս) կամ առկայության դեպքում սցենարի վերջին տարբերակը
5. Երաշխավորագրեր առնվազն 3 հատ
6. Առկայության դեպքում՝ նախագծի պրոդյուսերի անունը, CV-ին և կոնտակտային տվյալները

Մրցույթին մասնակցելու համար փաստաթղթերը (PDF տարբերակով, ըստ նշված հերթականության, ընթեռնելի, ֆրանսերեն կամ անգլերեն լեզուներով՝ պարտադիր հայերեն թարգմանությամբ) պետք է առցանց ուղարկել՝ Այս էլ-փոստի հասցեն ծածկագրված է թափոնափոստի բոթերից։ Այն տեսնելու համար անհրաժեշտ է միացնել JavaScript։ էլեկտրոնային հասցեին, ս/թ մարտի 1-ից: Հայտերի ընդունման վերջնաժամկետն է՝ 2024 թ. մարտի 30-ը, ժամը 23:59-ը։

ՈՒՇԱԴՐՈՒԹՅՈՒՆ: Հիշեցնում ենք, որ ուշացումով, թերի և ձևաչափին չհամապատասխանող փաստաթղթերը չեն դիտարկվելու:

Մրցույթը կանցկավի 2 փուլով.

1. Կինոկենտրոնի հանձնաժողովը առցանց զրույց-հանդիպման (pitching)-ի անցկացման արդյունքում կընտրի հեղինակ-հայտատուների կողմից ներկայացվող նախագծերից երեք լավագույնը: Զրույց-հանդիպումներն անցկացվելու են անգլերեն կամ ֆրանսերեն լեզվով:

2. Ընտրված երեք նախագծերը և դրանց տեսաձայնագրությունները կուղարկվեն CNC և Cité internationale des arts՝ վերջիններիս կողմից մեկ նախագծի վերջնական ընտրության համար:

ԾԱՆՈԹՈՒԹՅՈՒՆ: Փորձագետների կողմից ուսումնասիրելու և որոշում կայացնելու համար նախագծերի առցանց զրույց-հանդիպումները տեսաձայնագրվելու են և պահվելու են անհրաժեշտ ժամկետով: Կինոկենտրոնի կողմից ընտրված երեք նախագծերի հեղինակների տեսաձայնագրությունները միաժամանակ ֆրանսիական կողմին ներկայացնելու համար են:

Կից տեղեկությունները.

https://docs.google.com/presentation/d/1vex3rKbeE1R44hyJBWjivfvmCUFpI4Kh/edit?usp=drive_link&ouid=112218326875070420719&rtpof=true&sd=true