Ջ.Պատրիկ «Սիրելի Պամելա» լիրիկական կատակերգություն

«Սիրելի Պամելա» պիեսի գործողությունները ծավալվում են Ծննդյան տոների օրերին և իրապես լի են այդ օրերին հատուկ ջերմ ու բարի, հեքիաթային երանգներով:

Պիեսի գլխավոր հերոսուհին` Պամելան, թողնում է, մեղմ ասած, տարօրինակ տպավորություն: Աղբանոցներից հավաքած  շորերով, թեյի փաթեթներով, շշերով, տուփերով լցված իր աղքատիկ նկուղում չքավորի կյանքով ապրող, խաղալիք կատվի հետ զրույցներ վարող այս կերպարը  երջանիկ է: Երջանիկ է, քանի որ չի կորցրել մարդկանց սիրելու, օգնելու, կարեկցելու կարևորագույն հատկանիշները: Այս միջավայրում պատահաբար հայտնվում են երեք խաբեբաներ, միանգամից կողմնորոշվում են թե ինչպես կարելի է ստանալ ծեր և միամիտ կնոջ ապահովագրավճարը, ծրագրեր են մշակում, թե ինչպես նրա վերջը տան, բայց… արդյունքում Պամելան դառնում է իրենց ամենահարազատ ու սիրելի մարդը:

Պիեսը այն մասին է թե ինչն է փրկում մարդկանց չկորցնել մարդկային էությունը, սիրել միմյանց անկախ շահից`այդ կերպ արթնացնելով բոլորիս մեջ հետզհետե մարող հոգևոր հզոր ներուժը:

 

Բեմադրությունը՝ Նարինե Մալյան

Բեմանկարիչ՝ Անդրանիկ Հարությունյան

Երաժշտական ձևավորում՝ Նարինե Մալյան

Դերասաններ՝

      Քրիստինա Հովակիմյան

      Սամվել Թոփալյան

      Հայկ Սարգսյան

      Աստղիկ Աբաջյան

      Կարեն Խաչատրյան

      Արա Սարգսյան

      Լևոն Ղազարյան

 

 

 

 

ԿԱՊ ՄԵԶ ՀԵՏ

  • +374 (10) 52-20-32
  • +374 (10) 52-20-35
  • kinokentron@gmail.com
  • Եզնիկ Կողբացի 83
×

Դուք չեք լրացրել բոլոր պահանջվող դաշտերը