Հ. Մալյանի անվան կինոդերասանի թատրոնի պատմությունը

ՀԵՆՐԻԿ ՄԱԼՅԱՆԻ ԱՆՎԱՆ ԿԻՆՈԴԵՐԱՍԱՆԻ ԹԱՏՐՈՆԻ ՊԱՏՄՈՒԹՅՈՒՆԸ

 

 

1975թ. Խաչատուր Աբովյանի անվան Պետական մանկավարժական ինստիտուտի կուլտուրայի ֆակուլտետի ռեժիսորական բաժնի Հենրիկ Մալյանի արվեստանոցում սովորելու ընդունվեցին տասներեք շնորհալի երիտասարդներ, որոնք իրենց վարպետի իմաստուն և փորձված աշխատանքի շնորհիվ ուսումնառության չորս տարիների ընթացքում ստեղծագործական վերելք ապրեցին: Եվ հենց այդ տարիներին Հենրիկ Մալյանի արվեստանոցում հիմք էր դրվում ապագա թատրոնի կազմին և խաղացանկին:

Հայֆիլմ կինոստուդիային կից կինոդերասանի թատրոն-ստուդիան ստեղծվեց 1980թ. օգոստոսի 27-ին՝ մեծանուն կինոռեժիսոր, ԽՍՀՄ ժողովրդական արտիստ Հենրիկ Մալյանի կողմից և ինքնատիպ ու առաջադեմ երևույթ դարձավ Հայաստանի 80-ականների մշակութային կյանքում:

Լինելով կայացած և հանրաճանաչ կինոռեժիսոր՝ Հենրիկ Մալյանը հաջողեց ստեղծել կինո և թատերական արվեստի պատկերավոր միջոցների յուրահատուկ սինթեզ, որն ինքնատիպ ոճ դարձավ բեմի վրա:

 

Թատրոնի խաղացանկում տարբեր տարիներին եղել են՝

 

1980թ. - «Իմ հայրենիքի խրատական հեքիաթները» ռեժ.՝ Հ. Մալյան

1981թ. - Հ. Թումանյան «Հեքիաթներ» ռեժ.՝ Հ. Մալյան

1981թ. - Դ. Դեմիրճյան «Քաջ Նազար» ռեժ.՝ Հ. Մալյան

1982թ. - Ջ. Բոկաչիո «Դեկամերոն» ռեժ.՝ Հ. Մալյան

1983թ. - Վ. Սարոյան «Իմ անունն Արամ է» ռեժ.՝ Հ. Մալյան

1983թ. - Ա. Չեխով «Քեռի Վանյա» ռեժ.՝ Դ. Հակոբյան

1984թ. - Բ. Նուշիչ «Ինքնակենսագրություն» ռեժ.՝ Մ. Ստեփանյան

1985թ. - Վ. Այգեկցի «Աղվեսագիրք» ռեժ.՝ Ս. Շահինյան, Հ. Մալյան

1985թ. - Ի. Շտոկ «Աստվածային կատակերգություն» ռեժ.՝ Ա. Ադամյան

1985թ. - «Ֆրանսիական պիեսների երեկո» ռեժ.՝ Ն. Մալյան, Մ․ Ստեփանյան, Ա. Ադամյան

1986թ. - Ն. Սայմոն «Երկրորդ ավենյուի կալանավորը» ռեժ.՝ Դ. Հակոբյան

1988թ. - Հր. Քոչար «Կարոտ» ռեժ.՝ Գ. Բաբայան

1989թ. - Ե. Օտյան «Ընկեր Փանջունի» ռեժ.՝ Գ. Բաբայան, Ն. Մալյան

1989թ. - Ջ. Արդեն «Խաղաղ հանգրվան» ռեժ.՝ Ն. Մալյան

2001թ. - Արամունի «Երթ ու դարձի տոմս դրախտի համար» ռեժ.՝ Մ. Ստեփանյան

2004թ. - «Ցեղի ֆիզիոլոգիան» ըստ Աղասի Այվազյանի պատմվածքների, ռեժ.՝ Ն. Մալյան

2007թ. - Ն. Գոգոլ «Ամուսնություն» ռեժ.՝ Վ. Խաչատրյան

2008թ. - Վ. Սարոյան «Պատմություններ գնացքում» ըստ Վիլյամ Սարոյանի պատմվածքների, ռեժ.՝ Ն. Մալյան

2010թ. - Լեռ Կամսար «Սաստիկ կոմունիստներ» ռեժ.՝ Մ. Ստեփանյան

2012թ. - Խ. Չալիկյան «Ռոսինանտ 2012» ռեժ.՝ Խ. Չալիկյան

2014թ. - Ջ. Պատրիկ «Սիրելի Պամելա»  ռեժ.՝ Ն. Մալյան

2015թ. - «Չտեսնված ներկայացում» ռեժ.՝ Ն. Մալյան / նվիրված թատրոնի 35 և Հենրիկ Մալյանի 90 ամյակներին

2017թ. - Մ. Դելապորտ, Ալ. դե լա Պատելյեր «Անունը» ռեժ.՝ Ն. Մալյան

2017թ. - Հ. Պարոնյան «Ատամնաբույժն…նորե՞ն» ռեժ.՝ Ժ. Բաբազյան

 

1988թ.-ից թատրոնը կրում է Հենրիկ Մալյանի անունը:

 

Թատրոնը հյուրախաղերով հանդես է եկել Հայաստանի գրեթե բոլոր մարզերում, բարեգործական բազմաթիվ ներկայացումներ է խաղացել Երևանում, Գյումրիում, Արցախում, Վանաձորում, Սպիտակում, Ադլերում, Փարիզում, Լիբանանում, Սիրիայում, Ֆրանսիայում, Կանադայում, Լատվիայում, Ռուսաստանում, Էստոնիայում, Ադրբեջանում, Բուլղարիայում:

 

Հ. Մալյանի անվան կինոդերասանի թատրոնը մասնակցել է մի շարք միջազգային թատերական փառատոների.

 

1992թ. - Եգիպտոսում կայացած «Էքսպերիմենտալ թատրոնների միջազգային փառատոնին» (Cairo International Festival for Experimental Theatre):

1996թ. - Գերմանիայում կայացած մանկապատանեկան թատրոնների միջազգային փառատոնին (Assitej World Project):

2000թ. - Ֆրանսիայում «Արևելք-Արևմուտք» փառատոնին (Festival <Est. Ouest>  Die/Drome):

2001թ. - Արամունու «Երթ ու դարձի տոմս դրախտի համար» (ռեժ.՝ Մ. Ստեփանյան) արժանացել է Կալիֆորնիայի նահանգի օրենսդրական ժողովի շնորհակալական վկայագրի:

2003թ.,  2004թ. - Հայաստանի «HIGF FEST» միջազգային թատերական փառատոնին:

2004 թվականից թատրոնը ղեկավարում է ՀՀ արվեստի վաստակավոր գործիչ՝ Նարինե Մալյանը:

2004թ. - Ռումինիայի «Sibfest» միջազգային թատերական փառատոնին:

2004թ. - Թատրոնի Հ. Թումանյանի «Հեքիաթներ» (ռեժ.՝ Հ. Մալյան) ներկայացումը Իրանում «3th International of theater Isfahan» միջազգային թատերական փառատոնում արժանացել է գլխավոր մրցանակների՝ 8 անվանակարգում:

2004թ. - Ա. Այվազյանի «Ցեղի ֆիզիոլոգիան» (ռեժ.՝ Ն. Մալյան) արժանացել է «Արտավազդ» մեդալի:

2005թ. - Մոսկվայում «Новая Драма» միջազգային թատերական փառատոնին:

2007թ. - «Հայաստանի մշակութային տարի Ֆրանսիայում» ծրագրի շրջանակներում՝ հյուրախաղերով հանդես է եկել Փարիզում, Մարսելում:

2007թ. - Ն. Գոգոլի «Ամուսնություն» (ռեժ.՝ Վ. Խաչատրյան) ներկայացման դերակատարներից Սամվել Թոփալյանը արժանացել է «Արտավազդ» մրցանակի՝ տարվա լավագույն երիտասարդ դերասան անվանակարգում:

2009թ. - Ըստ Վ. Սարոյանի «Պատմություններ գնացքում» ներկայացման բեմադրիչ Նարինե Մալյանը արժանացել է «Արտավազդ» մրցանակի՝ տարվա լավագույն ռեժիսոր, Գեորգի Հովակիմյանը՝ լավագույն երկրորդ պլանի դերասան, Քրիստինա Հովակիմյանը՝ լավագույն երկրորդ պլանի դերասանուհի անվանակարգերում:

2010թ. - Կանադայի ՀԲԸՄ - Մոնրեալի մշակութային հանձնախմբի կողմից հրավիրվել է Մոնրեալ, որտեղ ներկայացրել է իր խաղացանկից երեք ներկայացում՝ Հ. Թումանյանի «Հեքիաթներ», Ա. Այվազյան «Ցեղի ֆիզիոլոգիան», Վ. Սարոյան «Պատմություններ գնացքում»:

2010թ. - Ըստ Վ. Սարոյանի «Պատմություններ գնացքում» ներկայացման համար Ն. Մալյանը «Թատրոն» անվանակարգում ստացել է Թեքեյան մշակութային հիմնադրամի ամենամյա մրցանակը:

2011թ. - «Ցեղի ֆիզիոլոգիան» ներկայացումը հրավիրվել է մասնակցելու Թիֆլիսի միջազգային թատերական փառատոնին:

2015թ. - «Սիրելի Պամելա» (ռեժ.՝ Ն. Մալյան) ներկայացումը արժանացել է «Արտավազդ» մեդալի՝   տարվա լավագույն ներկայացում անվանակարգում:

2016թ. - «Ցեղի ֆիզիոլոգիան» (ռեժ.՝ Ն. Մալյան) ներկայացումը ստացել է գլխավոր մրցանակ «Թատերական Լոռի» փառատոնի շրջանակներում:

2016թ. - «Ցեղի ֆիզիոլոգիան» ներկայացումը մասնակցեց «Թատերական Լոռի» փառատոնին:

2017թ. - Աբովյանի ամենամյա թատերական փառատոնի շրջանակներում ցուցադրվեց «Ցեղի ֆիզիոլոգիան» ներկայացումը:

2017թ. -  Հովհաննես Աբելյանի անվան հանրապետական թատերական փառատոնում ցուցադրվել է «Ցեղի ֆիզիոլոգիան»:

2018թ. - «Թատերական Լոռի» փառատոնի պաշտոնական բացմանը Հ.Մալյանի անվան թատրոնը հրավիրված էր իր «Հեքիաթներ» ներկայացումով:

2018թ. - Աբովյանի ամենամյա թատերական փառատոնի շրջանակներում ցուցադրվել է «Անունը» ներկայացումը:

2018թ. -  «Ատամնաբույժն…նորե՞ն» (ռեժ.՝ Ժ. Բաբազյան) ներկայացման դերակատար Վահագն Գասպարյանը արժանացել է «Արտավազդ»  մեդալի տարվա լավագույն երկրորդ պլանի դերասան անվանակարգում:

2019թ. - Հովհաննես Թումանյանի 150 ամյակի կապակցությամբ ՀՀ ԿԳՄՍ նախարարության աջակցությամբ թատրոնը հյուրախաղերով հանդես եկավ Ֆրանսիայում և Ռուսաստանում՝ հայ հանդիսատեսին ցուցադրելով Հ. Թումանյանի «Հեքիաթներ» ներկայացումը:

2021թ. – Նարինե Մալյանի բեմադրած «Շրջված երազ» ներկայացումն արժանացել է Արտավազդ մրցանակի՝ տարվա լավագույն մանկական ներկայացում անվանակարգում:

 

Contacts

  • +374 (10) 52-20-32
  • +374 (10) 52-20-35
  • kinokentron@gmail.com
  • Yeznik Koghbatsi 83
×

Դուք չեք լրացրել բոլոր պահանջվող դաշտերը