Հույժ գաղտնի. կինոոլորտում պետական միջոցների փոշիացման և խոստումների մեկ տարին

Դեկտեմբերի 22-ին մշակույթի նախարար Արմեն Ամիրյանը հաշվետու մամուլի ասուլիս տվեց և ամփոփեց նախարարության՝ 2017 թվականի աշխատանքը: «Հետք»-ը ներկայացնում է մշակույթի ոլորտներից մեկի՝ կինոարտադրության ձախողումների և ստվերային գործընթացների վերաբերյալ այլընտրանքային հաշվետվություն, որը բարձրաձայնում է կնճռոտ հարցերը և անդրադառնում պետական գումարների բաշխմանն ու ֆինանսական պատասխանատվությանը:

Կինոոլորտի համար այս տարին նշանակալի էր. բարեփոխումների խոստումներ, բաց ու թափանցիկ աշխատելու մասին հավաստիացումներ, կինոյի մասին օրենքի ընդունման աննախադեպ հաստատակամություն: Եվ, փաստացի, ոչ մի արդյունք: Սա էր կինոյի տարվա փուչիկը:

Դեռևս տարեսկզբին «Հետք»-ը հարցում էր կատարել Ազգային կինոկենտրոն և ստացել 2015-2017թթ. պետական աջակցությամբ արտադրություն մտած ֆիլմերի ցանկը և հակիրճ տեղեկատվություն դրանց մասին.

http://hetq.am/arm/news/84646/huyzh-gaxtni-kinoolortum-petakan-mijocneri-poshiacman-ev-khostumneri-mek-tarin.html/