Կինոռեժիսոր Սուրեն Բաբայանի "Մի նայիր հայելուն" ֆիլմը արժանացել է  երեւանյան "Ոսկե ծիրան"  միջազգային 7-րդ կինոփառատոնի Էկումենիկ անկախ ժյուրիի մրցանակին: Աշնանը  ռեժիսորի ֆիլմը  կմասնակցի Անապայում` սեպտեմբերի 12-19-ը կայանալիք  "Կինոշոկ" միջազգային կինոփառատոնի մրցութային ծրագրում:

ՀՀ մշակույթի նախարարության հրավերով հուլիսի 11-17-ը Երեւան ժամանած  Ֆրանսիայի ազգային կինոկենտրոնի  տնօրեն տիկին Վերոնիկ Կայլան հանդիպումներ է  ունեցել  մշակույթի նախարարության եւ Հայաստանի ազգային կինոկենտրոնի պատասխանատուների հետ:

Հայաստանի ազգային կինոկենտրոնը արդեն կայք ունի:  "Գոլդեն Թյուլիփ" հյուրանոցում հուլիսի 6-ին կայացավ  կինոկենտրոնի նորաբաց` www.ncca.am  ինտերնետային կայքի շնորահնդեսը:

Հայաստանի ազգային կինոկենտրոնի շուրջ 35 ֆիլմեր, այդ թվում` լիամետրաժ, անիմացիոն, դեբյուտային, կարճամետրաժ եւ փաստագրական, մայիսի 12-22-ը ներկայացվել են Կաննի կինոշուկայում: